Krisi orokortuak
Jarduera elektriko epileptiformea garun osoan agertzen den krisiak dira. Eta gorputz osoaren bat-bateko mugimenduak izan ohi dira. Halako krisietan abiapuntuak garun osoari eragiten dio beti.
Sintomak
- Astinaldi bortitzak, konbultsioak.
- Etenak eginez arnastea.
- Konortea galtzea.
- Zurruntasun handia.
- Lurrera erortzea.
Zer egin
- Gaixoak minik har ez dezan ahalegindu.
- Inguruko jendea eta objektuak urrundu.
- Jantzi estuak lasaitu.
- Konbultsioak amaitutakoan, alboka jarri.
Zer EZ egin
- EZ sartu ezer ahoan
- EZ heldu eta ez suspertzen saiatu
- EZ eman sendagairik
- EZ heldu mugitu ez dadin
Beti...
- Lasai egon.
- Begiratu erlojuari denbora kontrolatzeko.
- Egon ondoan krisialdia pasatu arte.
- Bere onera etortzen denean, eginkizunekin jarrai dezake.
Krisi partzialak
Jarduera epileptikoa garunaren eremu jakin batean hasten da. Garunaren zer gunetan hasi den krisia eta garunaren zer gunetara zabaldu den, halakoak izango dira krisiaren ezaugarriak.
Garunaren alde jakin batean lokalizatutako abiapuntua duten krisiak dira beti.
Sintomak
- Oreka galtzea.
- Begirada finkoa.
- Totelka hitz egitea.
- Pertzepzioaren distortsioa.
Zer egin
- Gainerakoei zer gertatzen ari den azaldu.
- Gaixoari astiro hitz egin.
Zer EZ egin
- EZ heldu eta ez suspertzen saiatu
- EZ eman sendagairik
Krisialdiaren fase kritikoak minutu bat edo bi iraun dezake. Krisialdiaren ostean, nekatuta, nahastuta edo adoregabe sentituko da. Nahasmenduak 10 minutuko eta hainbat orduko iraupena izan dezake.
Noiz deituko dugu larrialdietara?
- Gaixoak lehen krisia duenean.
- Konorteratu baino lehen, bi krisialdi edo gehiago gertatzen badira.
- Krisia ohikoak baino bortitzagoa edo luzeagoa denean edo 5 minututik gorakoa denean.
- Sukarra edo erasan orokor handia duen gaixotasun baten baitan gertatzen denean.
- Haurduna denean edo lesioa gertatzen denean.
